նախընտրելի դարձնելՀնդկահայոց հոգեւոր հովվությունը հուլիսի 31-ինԿալկաթայի (Հնդկաստան) Սուրբ Նազարեթ Մայր եկեղեցում տոնել է հայ անվանի երաժիշտ Մակար Եկմալյանի ծննդյան155-ամյակը:
Երեկոն սկսվել է Հայոց մարդասիրական ճեմարանի երգչախմբի կատարմամբ մեծ երգահանի «Ով հայոց Աստված» երգով, որին հաջորդել են մեծանուն կոմպոզիտորի մի շարք ստեղծագործություններ:
Համերգի ավարտին հնդկահայոց հոգեւոր հովիվ, Հայոց մարդասիրական ճեմարանի կառավարիչ Տ. Խորեն վարդապետ Հովհաննիսյանը ներկաներին հանգամանալից ներկայացրել է Մակար Եկմալյանի կյանքն ու գործունեությունը, նրա թողած ժառանգությունը, անդրադարձել այն բացառիկ դերակատարությանը, որ ունի մեծ երգահանը հայ հոգեւոր եւ աշխարհիկ երգարվեստում:
Նա իր խոսքը եզրափակել է մեջբերելով Կոմիտաս վարդապետի գնահատականն ուղղված Մակար Եկմալյանին. «Հարգելի երաժիշտ Պ. Մակար Եկմալյանը մեր երգեցողության ամայի անդաստանի մեջ ներդաշնակության անդրանիկ բուրաստանը տնկեց:
Սրտանց ուրախ ենք, որ հայերս այժմ կարող ենք պարծենալ, թէ մենք էլ հետ չենք մնացել վսեմ գեղարվեստի եւ կատարելագույն երաժշտության զարգացումից»:
Ձեռնարկին մասնակցել են եկեղեցու վարչության անդամները, կալկաթաբնակ հայորդիներ, Հայոց մարդասիրական ճեմարանի ուսուցիչները, աշա-կերտները, հրավիրյալներ:
