Կահիրեում օգոստոսի  3 -ին կմեկնարկի Եգիպտոսի նախկին նախագահ Հոսնի Մուբարաքի դատավարությունը: Ինչպես հաղորդում է «Ազատություն»  ռադիոկայանը,  նրան ուղղաթիռով Կահիրե կտեղափոխեն Շարմ էլ Շեյխից, որտեղ 83-ամյա Մուբարաքը բուժվում է:

Նախկին նախագահի հետ դատարանի առջեւ կկանգնեն նրա երկու որդիները, ներքին գործերի նախկին նախարարը, եւս վեց պաշտոնյաներ: Նրանք կասկածվում են 2011թ. հունվար-փետրվարին  850  ցուցարարների սպանության կազմակերպման,  լիազորությունների չարաշահման եւ կոռուպցիայի մեջ:  Ներկայումս Շարմ էլ Շեյխի հիվանդանոցում գտնվող Մուբարաքը հրաժարվում է սնունդից: