նախընտրելի դարձնելԱՄՆ-ը Սենատը աջակցել է ԱՄՆ-ի պետպարտքի վերին շեմի բարձրացման վերաբերյալ նախագծին:
Քվերարկությունը անց է կացվել ժամկետը լրանալու նախօրեին, թեեւ Սպիտակ տան եւ օրենսդիրների միջեւ պայմանավորվածությունը կայացել էր դեռ կիրակի օրը` հուլիսի 31-ին:
Այժմ փաստաթուղթը ուղարկվելու է ԱՄՆ-ի նախագահ Բարաք Օբամայի հաստատմանը:
Ձեռք բերված պայմանավորվածությունը նախատեսում է 10 տարվա ընթացքում պետպարտքի կրճատում մոտ 1 տրիլիոն դոլարի չափով: Հաղորդվում է, որ կրճատվելու են ինչպես պաշտպանական, այնպես էլ ոչ պաշտպանական ծախսերը:
Նախատեսվում է ԱՄՆ Կոնգրեսին կից ձեւավորել հատուկ կոմիտե` երկու կուսակցությունների ներկայացուցիչներից բաղկացած, որը հանդես կգա առաջիկա բյուջետային կրճատումների չափորոշիչների վերաբերյալ երաշխավորություններով:
