Գերմանիայի խորհրդարանի նախագահ Բերբել Բասը հայտարարել է, որ երկրի նախկին կանցլեր Գերհարդ Շրյոդերը, որը կանցլերի պաշտոնը զբաղեցրել էր 1998-2005 թթ., «վնաս է հասցնում» Գերմանիայի Սոցիալ-դեմոկրատական կուսակցությանը, հաղորդում է ՏԱՍՍ-ը:

Frankfurter Allgemeine Zeitung թերթին տված հարցազրույցում Բասը հայտարարել է, որ «Շրյոդերը բոլորովին ճիշտ չի գնահատել Պուտինին»:

Նա նշել է, որ չի հասկանում գերմանացի գործչի դիրքորոշումը, որն «այդպիսով, ոչնչացնում է իր իսկ գրասենյակի ստեղծած պատկերը, որն այդքան դրական բաներ է արել Գերմանիայի համար»: Նա հավելել է, որ Շրյոդերն ինքն իրեն էլ է վնասում:

Ըստ Բասի՝ «տրամաբանական է, որ նախկին կանցլերը պետք է հեռանա կուսակցությունից»:

Եթե Շրյոդերը չորոշի ինքնուրույն լքել կուսակցությունը, ապա, ինչպես ընդգծել է Բասը, «կա հեռացման ընթացակարգ»:  

Ինչպես հայտնում է Deutsche Welle-ն, ի լրումն այլնի՝ Շրյոդերը կարող է զրկվել Բեռլինի իր գրասենյակից, որի համար տարեկան 400 000 եվրո ծախս է արվում: