նախընտրելի դարձնելՎթարի է ենթարկվել բրիտանացի դերասան Ռոուեն Աթքինսոնը, ով առավել հայտնի է որպես «Միստր Բին»` հայտնի կատակերգական սերիալից:
Ավտովթարը տեղի է ունեցել օգոստոսի 4-ին բրիտանական Քեմբրիջշիր կոմսության Հեդոն բնակավայրում:
Դերասանը գտնվել է 1 մլն դոլար արժողությամբ սուպերքարի` McLaren F1-ի ղեկին:
«Միստր Բինը», գտնվելով աշխարհում ամենաարագ մեքենաներից մեկի ղեկին, կորցրել է կառավարումը եւ բախվել ծառին եւ լուսացույցի սյանը: Այնուհետեւ մեքենան նաեւ այրվել է, հաղորդում է Daily Mirror-ը:
Ինքը` դերասանը աննշան վնասել է ուսը եւ տեղափոխվել հիվանդանոց:
Ինչպես հաղորդում է The Telegraph-ը, Աթքինսոնը հայտնի է գերարագ ավտոմեքենաների հանդեպ իր թուլությամբ: Նա նաեւ մի քանի հին եւ գերարագ ավտոմեքենաների սեփականատեր է, այդ թվում Aston Martins եւ Rolls Royce: Դերասանը ավտոմոբիլային ամսագրերում մի քանի հոդվածների հեղինակ է:
