նախընտրելի դարձնելԵվրոպական կենտրոնական բանկի ղեկավար Ժան Կլոդ Տրիշեն «պատշաճ մակարդակով» աշխատանքներ է ակնկալում Իտալիայի եւ Իսպանիայի կառավարություններից, ովքեր ճգնաժամի շրջանում նշանակալի պարտավորություններ են ստանձնել, հաղորդում է իտալական La Stampa-ն: Հիշեցնենք, որ երեկ ԵԿԲ-ն մի քանի հարյուր մլն եվրոյով գնել է Իտալիայի եւ Իսպանիայի պետական պարտատոմսերը:
«Առաջիկա օրերին մենք Իտալիայի կառավարությունից ակնկալում ենք մի շարք որոշումների ընդունում եւ նորմալ ֆինանսական բալանսին վերադարձի գործընթացի արագացում: Նույնը մենք խնդրել ենք նաեւ Իսպանիայի կառավարությանը», -հայտարարել է Տրիշեն:
Խոսելով 17 եվրոպական կառավարությունների մասին` Տրիշեն նրանց կոչ է արել արագացնել հուլիսի 21-ին Բրյուսելում եվրագոտու երկրների գագաթնաժողովում ընդունված որոշումների կատարումը: Հիշեցնենք, որ այդ ժամանակ որոշում էր ընդունվել միջոցներ հատկացնել պարտքային բարձր բեռի տակ գտնվող եվրոպական երկրների տնտեսությունների ֆինանսական առողջացման համար:
