նախընտրելի դարձնել
2021-ին ՀՀ նախագահի աշխատակազմն իրականացրել է 1 ծրագիր՝ 3 միջոցառմամբ։ Այս մասին Ազգային ժողովում հունիսի 2-ին 2021 թվականի պետական բյուջեի կատարողականի նախնական քննարկման ժամանակ ասաց ֆինանսների նախարար Տիգրան Խաչատրյանը։
Փաստացի ծախսվել է 1 միլիարդ 476 միլիոն դրամ։ Արդյունավետությունը կազմել է 98,3 տոկոս։
«Միաժամանակ, ԱԺ-ն հաշվետու տարում իրականացրել է 6 միջոցառումներից 1 ծրագիրը։ Տարեկան պլանով ի սկզբանե նախատեսված էր հատկացնել 6 միլիարդ 90 միլիոն դրամ, սակայն շտկված պլանով այդ ծախսերը կրճատվել են մինչեւ 5 միլիարդ 468 միլիոն դրամ։ Փաստացի կատարողականը կազմել է 5 միլիարդ 4 միլիոն դրամ կամ 98,8 տոկոս, ինչը 613,5 միլիոն դրամով կամ 12,8 տոկոսով ավելի է 2020 թվականի համեմատ»,- ասաց Խաչատրյանը։
