նախընտրելի դարձնել
Հայաստանը 2022 թվականին սկսել է 18 ծրագիր՝ ուղղված նոր սերնդի մասնագիտական-տեխնիկական կրթության ապահովմանը։ Այս մասին հունիսի 7-ին Ազգային ժողովում 2021 թվականի պետական բյուջեի կատարման հաշվետվության նախնական քննարկման ժամանակ ասաց կրթության, գիտության, մշակույթի եւ սպորտի փոխնախարար Արթուր Մարտիրոսյանը։
Ծրագիրը, նրա խոսքով, մեկնարկել է Միջազգային համագործակցության գերմանական ընկերության (GTZ) աջակցությամբ։
«Արհեստագործական ուսումնարանները կվերանորոգեն եւ կհագեցնեն տեխնիկական բազայով։ Բայց գլխավորն այն է, որ դրանց ուսանողները շատ ավելի շատ պրակտիկա կանցնեն։ Այն կանցկացվի մի ձեւաչափով, որ Գերմանիայում արդեն հայտնի է որպես երկակի ուսուցման ծրագիր։ Դա այն է, երբ ուսումնարանի ուսանողը կարողանում է գնալ ե՛ւ դասախոսությունների, ե՛ւ ուսանող լինել ձեռնարկությունում»,- պարզաբանեց Մարտիրոսյանը։
Ծրագրի շրջանակներում, ինչպես նշեց փոխնախարարը, Հայաստանի քոլեջներում արդեն բացվել է ռոբոտաշինության եւ մեխատրոնիկայի, ինչպես նաեւ արեւային էլեկտրակայանների սպասարկման 18 ծրագիր։ Բացի այդ, մարզերում կառուցվում են 8 գյուղատնտեսական ուսումնարաններ, որոնք կաշխատեն նույն մեթոդիկայով։ Այսինքն՝ ընդլայնված պրակտիկայով։
