նախընտրելի դարձնելՄուամար Քադաֆիի վարձկաններից մեկը` հարավսլավացի պաշտոնաթող գեներալը լիբիական առաջնորդին «հիմար եւ լուսնոտ» է համարել: Time հանդեսին տված հարցազրույցում անունը հայտնել չցանկացող գեներալն ասել է, որ Քադաֆիի մոտ աշխատել է որպես ռազմական խորհրդական եւ Տրիպոլին թողել է օգոստոսի 21 –ին:
«Այնտեղ քաոս է. ողջ համակարգը փլուզվում է: Ես Քադաֆիի հետ չեմ խոսել 4 շաբաթ, նա չէր ցանականում ինձ լսել»,-հիշել է գեներալը:
Լիբիացի առաջնորդին նա համարել է «հիմար»` համեմատելով Միլոշեւիչի հետ, ով եւս դեմ դուրս եկավ ՆԱՏՕ-ին: « Չի կարելի պայքարել ՆԱՏՕ-ի հետ եւ ձեւանալ այդպես համառ լուսնոտ, ինչպես նա»,-հայտարարել է գեներալը:
Բալկաններից մել այլ վարձկան, հրետանու 41-ամյա մասնագետ Մարիոն (ազգանունը չի նշվում) կիսվել է Քադաֆիի զորքերի աշխատանքի մասին տպավորություններով: Ըստ նրա` վարձկանների մեծ մասը Լիբիայից եւ Չադից էին. կարգապահությունը, ինչպես նաեւ զինվորների ուսուցման մակարդակը, շատ ցածր էր:
Միաժամանակ, Մարիոյի կարծիքով, Քադաֆին կարող էր կոտրել դիմադրությունը, եթե չլինենին ՆԱՏՕ-ի ինքնաթիռների հարվածները: «Մինչ այդ ամեն ինչ լավ էր»,-հիշում է նա: Հուլիսին նրա ենթակաների մոտ 30 տոկսոը դասալքել կամ անցել է ապստամբների կողմը:
Ռեժիմի մոտալուտ անկման ազդանշաններից մեկը, ըստ նրա, Քադաֆիի որդու`Սաիֆ ալ Իսլամի եւ նրա եղբայր Մոհամեդի մարդկանց միջեւ բախումն էր:
