Սիրիայի անվտանգության ուժերն օգոստոսի 27-ի առավոտյան  Դամասկոսի կենտրոնում կրակ են բացել ցուցարարների վրա, որոնք շաբաթօրյա աղոթքից հետո դուրս են եկել փողոց: «Ալ Ջազիրայի»  փոխանցմամբ, ութ մարդ վիրավորվել է:

Ոստիկանությունը կիրառել է արցունքաբեր գազ, ինչպես նաեւ հրազեն: Ոստիկանների ուղղությամբ էլ նետվել են քարեր եւ շշեր, հեռուստաընկերությանը պատմել է ականատեսներից մեկը:

Նախօրեին ուրբաթօրյա աղոթքից հետո  հակակառավարական ցույցերի երկու մասնակից էր սպանվել:

Զանգվածային բողոքի ակցիաները Սիրիայում սկսվել են այս տարվա մարտից: Ընդդիմությունը պահանջում է Բաշար ալ Ասադի հրաժարականը եւ քաղաքական բարեփոխումներ: