Աբխազիայի նախագահական ընտրություններում հաղթանակ է տարել փոխնախագահ Ալեքսանդր Անկվաբը: Այդ մասին հայտնել է Աբխազիայի Կենտրոնական ընտրական հանձնաժողովի ղեկավար Բաթալ Տաբագուան:

Անկվաբը հավաքել է քվեների 54.86 տոկոսը, եւ ընտրությունների երկրորդ փուլի կարիք չկա:

Երկրորդ տեղում է վարչապետ Սերգեյ Շամբան (21,04 տոկոս), իսկ երրորդ տեղում` ընդդիմության առաջնորդ Ռաուլ Խաջիմբան (մոտ 19 տոկոս):

Ընտրություններին մասնակցել է ընտրողների 72.92 տոկոսը, հաղորդում է «ՌԻԱ Նովոստի»-ն: