Նախընտրելի
Արդեն մեկ ամիս է, ինչ Ադրբեջանը արգելափակել է ԼՂ-ի Լաչինի միջանցքը և միայն Կարմիր Խաչի միջազգային կոմիտեն հնարավորություն ունի ծանր հիվանդներին տեղափոխել: Այս մասին Twitter-ի իր միկրոբլոգում գրել է Հատուկ հանձնարարություններով դեսպան Էդմոն Մարուքյանը։
Նա նաեւ հավելել է. «Չկա սննդամթերք, դեղորայք կամ ապրելու միջոց, 120 հազար մարդ, այդ թվում՝ 30 հազար երեխա, սովամահ է լինում քաղաքակիրթ աշխարհի աչքի առաջ»:
Հիշեցնենք, որ 32 օր է, ինչ Արցախը շրջափակման մեջ է: Ադրբեջանը դեկտեմբերի 12-ից շարունակում է ֆեյք «բնապահպանների» անվան տակ փակ պահել Արցախն աշխարհին կապող «կյանքի ճանապարհը»՝ այդ կերպ դադարեցնելով երթևեկությունը և խզելով արտաքին աշխարհի հետ Արցախի քաղաքացիների միակ կապը:
Արցախում 120 000 մարդ, որից 30 000-ը երեխաներ են, այս տարի Ամանորը դիմավորել են շրջափակման մեջ՝ ճանապարհի բացման սպասումով։ Ադրբեջանցիների կողմից Արցախը Հայաստանին կապող ճանապարհի փակման պատճառով 1100 քաղաքացի տուն վերադառնալու հնարավորություն չունի, որից 270-ը երեխաներ են։
It's been a month since Azerbaijan blocked the Lachin Corridor of NK and only the @ICRC has access to transport critically ill patients. There is no food, medicine and or means of life, 120K people, including 30K children are starving in front of the eyes of the civilized world. pic.twitter.com/acw6Qgy6ex
— Edmon Marukyan (@edmarukyan) January 12, 2023
