Երեւանյան բուհի ուսանող Նոյը դեռ երրորդ կուրսում է սովորում, բայց արդեն աշխատանք է փնտրում։ Երեւանի բնակիչ Արթուրը, թեեւ աշխատում է ՏՏ ոլորտում, այլ, ավելի բարձր մակարդակի ընկերություն է փնտրում։ Թեստավորող Տատյանան ընդամենը մեկ շաբաթ առաջ է Ռուսաստանից տեղափոխվել Հայաստան եւ այժմ լրջորեն զբաղված է աշխատանք փնտրելով։ Նրանք բոլորը, մոտ 2000 այցելուների թվում այսօր՝ փետրվարի 18-ին, եկել են JOBHUB FAIR տոնավաճառին, որտեղ թափուր տեղեր են ներկայացվում 25 ՏՏ ընկերություններ։ Ոչ ՏՏ ոլորտի մոտ 40 ընկերություններ արդեն վաղը աշխատակիցներ կփնտրեն նույն հարթակում։

011.jpg (1.59 MB)

Կարիերա հանգստյան օրերին

Այսօրվա միջոցառմանը տիրում էր իրական աշխատանքային ինդուստրիա՝ բազմաթիվ տաղավարներից մինչեւ հատուկ դասասենյակներ, մրցանակների խաղարկությունից մինչեւ ձեր պորտֆոլիոյի համար անվճար լուսանկար անելու հնարավորություն:

Ինչպես նշեց միջոցառման կազմակերպիչ Move2ARMENIA ընկերության ներկայացուցիչ Անաստասիա Ակշովան, JOBHUB FAIR տոնավաճառն անցկացվում է արդեն չորրորդ անգամ․ միջոցառումներն անցկացվել են երկու անգամ անցյալ տարվա գարնանը եւ մեկ անգամ աշնանը։ Քանի որ Հայաստանում ՏՏ շուկան շատ զարգացած է, եւ աշխատանք փնտրողների թիվը վերջին շրջանում զգալիորեն ավելացել է, աշխատանքի նման տոնավաճառները մեծ պահանջարկ ունեն:

009.jpg (1.36 MB)

«Բայց մենք բազմաթիվ հարցադրումներ ենք ստացել, որ տոնավաճառներ կազմակերպենք ոչ միայն ՏՏ ոլորտում, քանի որ երկիր են եկել տարբեր մասնագիտությունների ու որակավորումների, գործունեության տարբեր ոլորտների մարդիկ։ Ուստի, կարիերայի նման հանգստյան օրը հատուկ մտածված է, որ շաբաթ օրը ՏՏ մասնագիտությունների տեր մարդիկ գան, իսկ կիրակի՝ մնացած բոլորը։ Այսպես, վաղը՝ փետրվարի 19-ին, կներկայացվեն ռեստորաններ, հյուրանոցներ, ավիաընկերություններ, շինարարություն, դիզայն, կրթություն, մեդիա եւ այլն»,- ասաց նա։

Վեկտորի փոփոխություն

Կազմակերպիչները նշում են, որ այժմ աշխատանքի տոնավաճառների վեկտորը փոխվել է․ եթե նախկինում այն ուղղված էր հիմնականում Ռուսաստանից տեղափոխվածների շտապ աշխատանքի տեղավորմանը, ապա այժմ տեղի բնակիչներն են պատրաստ մասնակցել այդպիսի միջոցառումներին: Հայերը կազմում են դիմողների գրեթե կեսը։

013.jpg (1.45 MB)

Քանի որ հյուրերը նախապես գրանցվում են կայքում եւ հայտնում են իրենց մասին, կամ ուղղակի գրանցվում են տոնավաճառում, հեշտ է հաշվի առնել այցելուների հոսքը: Օրինակ՝ նոյեմբերյան միջոցառմանը (երբ Ռուսաստանում մոբիլիզացիայից հետո մարդկանց մեծ հոսք լցվեց Հայաստան), գրանցվեց մոտ 2500 այցելու։ Իսկ ընդհանուր առմամբ, նախորդ երեք ցուցահանդեսների արդյունքներով, աշխատանքի է տեղավորվել հազարից ավելի աշխատակից։

Անձնագիրը գլխավորը չէ, կարևորը կոմպետենտության մակարդակն է

Հայկական ՏՏ շուկայի խոշորագույն խաղացողներից մեկը՝ Data-Art ընկերությունը, ամեն տարի մասնակցում է տոնավաճառների։ Ընկերության ներկայացուցիչների խոսքով՝ իրենք ուզում են, որ իրենց մասին իմանան ինչպես տեղացի մասնագետները, այնպես էլ այն մարդիկ, ովքեր վերջերս են տեղափոխվել Հայաստան։ Իհարկե, նման տոնավաճառները շատ են օգնում, քանի որ «Data-Art»-ը մշտապես ունի բազմաթիվ թափուր աշխատատեղեր՝ ծրագրավորողների, փորձարկողների, ինժեներների եւ այլն: Եվ այստեղ գործատուի համար նշանակություն չունի, թե որ երկրից է դիմորդը՝ գլխավորը կոմպետենտությունն ու անգլերենի գերազանց իմացությունն է:

003.jpg (1.38 MB)

Գրեթե նմանատիպ պահանջներ X-TENSIVE ընկերությունն ունի, նաեւ արդյունաբերական սիստեմավորման համակարգեր մշակողների: Մարդու անձնագիրը, ինչպես այստեղ են ասում, ամենեւին էլ կարեւոր չէ․ գլխավորը մասնագետի կարողությունն ու մակարդակն է։ Ինչպես պարզաբանեց օպերատիվ տնօրեն Վալերի Բագինսկին, իրենք հատկապես հետաքրքրված են «սենյոր» մակարդակի մասնագետներով։ Ցավոք, ի տարբերություն նոյեմբերյան ցուցահանդեսի, բարձրակարգ մասնագետներն այսօր նկատելիորեն քչացել են։ Սա զարմանալի չէ. այս մակարդակի մշակողները «փողոցում գցած չեն»: Ընդհանուր առմամբ, ընկերությունն ունի ռուսական արմատներ, սակայն այժմ բիզնեսի մի փոքր մասն է մնացել Ռուսաստանում, ամբողջ աշխարհում հաճախորդների հետ աշխատանքի մեծ մասն իրականացվում է երեւանյան լոկացիայից։

010.jpg (1.70 MB)

NEWS.am-ը թրենդային է

NEWS.am գործակալությունը նույնպես մասնակցեց տոնավաճառին իր նոր նախագծով՝ Business Profile  Նախագիծն առաջարկում է ընկերություններին ստեղծել իրենց սեփական պրոֆիլները news.am կայքում՝ ընկերության մասին տեղեկություններով, կոնտակտներով, կայքի dofollow հղումներով, սոցիալական ցանցերում հաշիվներով, Վիքիպեդիայում էջով եւ այլն, նորությունների ժապավենով եւ ընկերության թափուր աշխատատեղերի հայտարարություններով՝ երեք լեզվով:

Աշխատանքի տոնավաճառները պահանջարկ ունեն, սա եւս մեկ անգամ ապացուցվեց այսօր։ Հայկական շուկայի առանձնահատկությունն էլ իր դերն է խաղում՝ այստեղ ամեն ինչ շատ մոտ է՝ ինչո՞ւ զանգել, եթե կարող ես գնալ, ինչու՞ նայել քարտեզը, եթե կարելի է ուղղությունը բացատրել։ Ընդհանրապես, Հայաստանում աշխատանքի որոնման եւ առաջարկի այս ձեւաչափն արդյունավետ է դարձել։

 JOBHUB FAIR աշխատանքի տոնավաճառը անցկացվում է փետրվարի 18-19-ը «Մարիոթ Արմենիա» հյուրանոցում։

Սոֆյա Ցարյովա