նախընտրելի դարձնելՆյու Յորքում ՄԱԿ-ի գլխավոր վեհաժողովի նստաշրջանի ընթացքում տեղի է ունեցել ԱՄՆ նախագահ Բարաք Օբամայի եւ Թուրքիայի վարչապետ Ռեջեբ Էրդողանի հանդիպումը: Կողմերն արտահայտվել են Սիրիայի վրա միջազգային ճնշումն ուժեղացնելու օգտին: Այս մասին լրագրողներին հայտնել է ԱՄՆ նախագահի ազգային անվտանգության հարցերով օգնականի տեղակալ Բեն Ռոդսը:
Այդ քայլերը, ըոստ Ռոդսի, «կարող են ներառել պատժամիջոցներ, քաղաքական ճնշում գործադրելու եւ այլ միջոցներ»:
Օբաման նաեւ նշել է Թուրքիայի եւ Իսրայելի միջեւ հարաբերությունների կարգավորման անհրաժեշտությունը: «Նախագահն ընդգծեց, որ կցանկանար, որպեսզի Թուրքիան եւ Իսրայելը լուծեին այդ խնդիրը եւ կոչ արեց շարունակել աշխատանքներն այդ ուղղությամբ»,- հաղորդել է Սպիտակ Տան ներկայացուցիչ Լիզ Շերվուրդ Ռենդալը` նշելով, որ Օբաման նաեւ արտահայտվել է ողջ մերձավորարեւելյան տարածաշրջանում լարվածության թուլացման օգտին, փոխանցում է ԻՏԱՌ-ՏԱՍՍ-ը:
Վաշինգտոնն ու Անկարան նաեւ բանակցություններ են վարում Թուրքիայի տարծքում ամերիկյան անօդաչու թռչող սարքերի համար բազա տեղեկայելու վերաբերյալ: Ըստ լրատվամիջոցների` թուրքական իշխանությունները ծրագրում են օգտագործել այն ընդդեմ Իրաքի հյուսիսի քուրդ ապստամբների:
