ՆախընտրելիՖրանսիայի դատախազ Միշել Մաեսը խնդրել է Ժակ Շիրակի վրայից հանել «մեռյալ հոգիների» գործով մեղադրանքները, հայտնում է France 24-ը։
Նա նաեւ խնդրել է արդարացնել նույն գործով անցնող եւս 9 մարդու։ Նման որոշում մեղադրող կողմն ընդունել է պատասխանողների հակաօրինական գործողությունների ապացույցների բացակայության պատճառով։
«Ես խնդրում եմ արդարացնել պատասխանողին՝ նրան ներկայացված բոլոր մեղադրանքներով»,- դատարանում հայտարարել է դատախազը, հաղորդում է РБК-ն։
Հիշեցնենք, որ 78-ամյա Շիրակը մեղադրվում է ծառայողական լիազորությունների գերազանցման եւ պետական ունեցվածքի հափշտակման մեջ։
Շիրակի վատ վիճակի պատճառը սրտային նոպան էր, որ նա տարել էր 2006 թվականին։ Շիրակը վատ է տեսնում եւ լսում, դժվարությամբ է շարժվում։ Դատական նիստն ընթացել է առանց նրա։ Նրան մեղավոր ճանաչելու դեպքում նախկին նախագահին սպառնում էր մինչեւ 10 տարվա ազատազրկում եւ տուգանք՝ 150 հազար եվրոյի չափով։ 1995-2007 թվականներին Շիրակը, լինելով նախագահ, դատական հետապնդումների հանդեպ իմունիտետ ուներ։
