ՆախընտրելիԱյս հանգստյան օրերին Կարակասում նախատեսված Իրանի նախագահ Մահմուդ Ահմադինեժադի եւ Վենեսուելայի նախագահ Ուգո Չավեսի հանդիպումն անորոշ ժամկետով հետաձգվել է: Այս մասին հայտարարել է Վենեսուելայի արտգործնախարար Նիկոլաս Մադուրոն:
Նրա խոսոքով` Չավեսին ժամանակ է պետք քիմիաթերապիայի վերջին կուրսից հետո ապաքինվելու համար:
Վենեսուելայի առաջնորդը Կարակաս էր վերադարձել ուրբաթ` Կուբայում վերականգնողական թերապիայի վերջին կուրսից հետո: Հուլիսին Չավեսը քաղցկեղային ուռուցքի վիրահատության էր ենթարկվել:
Հիշեցնենք, որ նախօրեին Ահմադինեժադը հանդես էր եկել Նյու Յորքում ՄԱԿ-ի Գլխավոր վեհաժողովի 66-րդ նստաշրջանում եւ այնտեղից պետք է մեկներ Վենեսուելա:
