նախընտրելի դարձնել
Լեհաստանի դատախազությունը Ռուսաստանի դեսպանատան և առևտրային ներկայացուցչության հաշիվներից գումար է առգրավել։ Այս մասին РИА Новости-ին հայտնել է դիվանագիտական առաքելության ղեկավար Սերգեյ Անդրեևը։
«Դատախազությունից ծանուցում ենք ստացել, որ դեսպանատան և Santander բանկում առևտրային ներկայացուցչության հաշիվներից միջոցները փոխանցվել են դատախազության հաշվեհամարներին»,- ասել է նա։
Դրանից հետո Santander բանկը հայտարարել է, որ դադարեցրել է համագործակցությունը դեսպանատան հետ և փակել է հաշիվները, հավելել է Անդրեևը։ Դիվանագետը պարզաբանել է, որ խոսքը «զգալի միջոցների» մասին է, որոնք եղել են հաշիվներին ինչպես ԱՄՆ դոլարով, այնպես էլ լեհական զլոտիներով։
Նա կատարվածը գնահատել է որպես «Դիվանագիտական հարաբերությունների մասին Վիեննայի կոնվենցիայի կոպտագույն խախտում»։
Ավելի վաղ լեհական կողմը սառեցրել էր դեսպանատան հաշիվները՝ իբր կասկածելով, որ դրանք կարող են օգտագործվել փողերի լվացման կամ ահաբեկչության համար։
