Մարսելում Չինաստանի գլխավոր հյուպատոսությունը բողոք է ներկայացրել Ֆրանսիային այն բանից հետո, երբ անկարգության մասնակիցները կոտրել  են չինացի զբոսաշրջիկներին տեղափոխող ավտոբուսի ապակիները, ինչը հանգեցրել է թեթև վնասվածքների, տեղեկացնում է  Reuters-ը՝ վկայակոչելով Չինաստանի հյուպատոսության կիրակի արված հայտարարությունը։

Գլխավոր հյուպատոսության պաշտոնական բողոքում Ֆրանսիային  կոչ է արվում ապահովել Չինաստանի քաղաքացիների և նրանց ունեցվածքի անվտանգությունը։

Ավտոբուսն անկարգությունների մասնակիցների կողմից  հարձակման է ենթարկվել հինգշաբթի։ Այդ ժամանակից սկսած զբոսաշրջիկները լքել են Ֆրանսիան, ասվում է հյուպատոսության հայտարարության մեջ։

Ֆրանսիայում գտնվող կամ Ֆրանսիա ուղևորվող Չինաստանի քաղաքացիները պետք է «մեծացնեն կանխարգելումը» և «ավելի զգոն ու զգույշ» լինեն, ասվում է հյուպատոսության հայտարարության մեջ։