նախընտրելի դարձնելՈւրբաթ ԱՄՆ-ում տեղի է ունեցել Սթիվ Ջոբսի հուղարկավորությունը: Այս մասին հաղորդում է կանադական պարբերականը` հղում կատարելով The Wall Street Journal -ին:
Պարբերականը չի հաղորդում արարողության վայրի եւ ժամկետի մասին` միայն նշելով, որ ներկա են գտնվել Ջոբսի հարազատներն ու ընկերները:
Apple ընկերությունում հայտնել են, որ ընկերության նախկին նախագահի հուղարկավորության կապակցությամբ հասարակական արողություններ չեն լինի: Նրանք, ովքեր ցանկանում են իրենց ցավակցությունը հայտնել, կարող են դրանք թողնել rememberingsteve(at)apple.com-ում:
Apple ընկերության հիմնադիր Սթիվ Ջոբսը մահացել էր հոկտեմբերի 5-ին` 56 տարեկանում` երկարատեւ հիվանդությունից հետո: Օգոստոսի վերջին նա հեռացել էր Apple-ի տնօրենի պաշտոնից:
Ջոբսի մահվան մասին լուրը կայծակնային արագությամբ տարածվեց ողջ աշխարհում: Նրան հիշում են իր հայտնագործությունների շարքային օգտագործողներ, նախագահներ, քաղաքական գործիչներ եւ, նույնիսկ, մրացկիցները:
Apple -ի նախկին նախագահի երկրպագուները մինչեւ հիմա հավաքվում են աշխարհի տարբեր երկրներում գտնվող ընկերության ֆիրմային խանութների մոտ:
Հնեց Ջոբսի ղեկավարությամբ էր, որ Apple -ը թողարկեց այնպիսի սարքավորումներ, iPad համակարգիչ, աշխարհի ամենաբարակ նոթբուկը` MacBook Air, iPhone –ը, iPod-ը, որոնք մինչ այդ համանմանը չունեին:
