նախընտրելի դարձնել
Սաուդյան Ջիդայում Ուկրաինայի հարցով քննարկման մասնակիցները համաձայնության են եկել, որ «Ուկրաինայի տարածքային ամբողջականության և ինքնիշխանության նկատմամբ հարգանքը պետք է ընկած լինի ցանկացած խաղաղ համաձայնագրի, ինչպես նաև ՄԱԿ-ի կանոնադրության առաջնահերթության հիմքում», գրում է Corriere della Sera-ն՝ հղում անելով ԵՄ աղբյուրներին։
Ըստ նույն աղբյուրների, որոշվել է աշխատանքային խմբեր ստեղծել Կիեւի առաջարկած խաղաղության բանաձևի տասը կետերի առանցքային հարցերի շուրջ։
«Պետությունների ղեկավարների հանդիպման ժամկետները դեռ որոշված չեն, բայց մինչև տարեվերջ դա հավանական է համարվում»,- ասել են աղբյուրները։
Հիշեցնենք, որ նախօրեին Սաուդյան Արաբիայում սկսվել էին Ուկրաինայում խաղաղության հաստատման շուրջ քննարկումները՝ ավելի քան 40 երկրների ներկայացուցիչների մասնակցությամբ։
