Գերմանիան եւս մեկ քայլ է կատարել կանեփի օրինականացման ուղղությամբ, հաղորդում է Euronews-ը։

Գերմանիայի առողջապահության նախարարության տվյալներով ՝ երկրում աճում է կանեփի օգտագործումը։ Որպեսզի այն ավելի անվտանգ լինի, հատկապես երեխաների եւ երիտասարդների շրջանում, կառավարությունը հավանություն է տվել մարիխուանայի օգտագործումը կարգավորող օրենքին:

Թույլատրվում է նաեւ տանը մարիխուանա աճեցնել եւ կազմակերպել կանեփի սիրահարների ակումբներ: Սակայն ազատ վաճառքում թմրանյութ չի լինի։

Գերմանիան ԵՄ-ում կդառնա երրորդ երկիրը Մալթայից եւ Լյուքսեմբուրգից հետո, որտեղ կանեփի ռեկրեացիոն օգտագործումը դուրս է բերվել իրավական դաշտ: