նախընտրելի դարձնել
Չինաստանի մայրաքաղաքի կենտրոնում է գտնվում այն աշտարակը, որտեղ կարելի է լսել չինական թմբուկների նվագը։
Թմբուկների աշտարակը կառուցվել է 1272թ., Հիբուլայ խանի կառավարման տարիներին։ Դրա թմբուկները զարկել են որոշակի ժամերի՝ ազդարարելու համար օրվա ժամերը։ Կառուցումից անմիջապես հետո այստեղ դրվել են 25 մեծ թմբուկներ, որոնցից մեր օրեր է հասել միայն մեկը։ Դրանցից ամենամեծը խորհրդանշել է ամբողջ տարին, իսկ մյուսները՝ 24 արեւային շրջանները։ Աշտարակը փայտից է, իսկ դրա բարձրությունը 46,7 մետր է։ Ուղիղ դրա դիմաց Զանգերի աշտարակն է։
Այսօր թմբուկների յուրաքանչյուր համերգ տեւում է հինգ րոպե եւ կատարվում է ժամը մեկ։ Մուտքն արժե 20 յուան կամ 1 000 դրամ։ Երկրորդ հարկում հայտնվելու համար, որտեղ գտնվում են թմբուկները, դուք պետք է մագլցեք կախովի եւ շատ վտանգավոր սանդուղքով, բայց, հավատացեք, արժե անել դա։ Այստեղից Շիչիհայ լճի հիանալի տեսարանն է բացվում, եւ թմբուկների նվագն էլ ձեզ տրանսի մեջ է գցում։
Զանգերի եւ Թմբուկների աշտարակները եւ շրջակա խութունները Չինաստանի մայրաքաղաքի հնագույն մշակույթի կարեւոր բաղադրամասն են։ Թմբուկների աշտարակը համարվում է Չինաստանի ազգային հուշարձաններից մեկը եւ պահպանվում է պետության կողմից։
Պեկինից՝ Պարույր Սինյավսկի
