ՆախընտրելիՖրանսիայում լույս է տեսել «Թուրքիայում հայ բժիշկների հալածանքը` Առաջին համաշխարհային պատերազմի տարիներին» գիրքը, որն առաջին անգամ հրապարկվել է 1919թ. Կոստանդնուպոլսում` Հայ բժիշկների միության կողմից, հաղորդում է «Nouvelles d`Arménie»-ին:
1919թ. ապրիլի 20-ին Մուդրոսի զինադադարից վեց ամիս անց Կոստանդնուպոլսում Հայ բժիշկների միությունը ֆրանսերենով հրապարկել է պատերազմի տարիներին Թուրքիայում հայ բժիշկների հալածանքերի մասին գրքույկ:
Առաջին մասում քննադատվում է թուրքական բժիշկների մասնակցությունը հայերի կոտորածներին եւ տեղահանումներին: Երկրորդ մասում հարգանքի տուրք է մատուցվում այն 67 բժիշկների, 54 դեղագործների, 10 ատամնաբույժերի եւ 15 ուսանող- բժիշկների հիշատակին, ովքեր սպանվել են, եւս 46 բժիշկ, 19 դեղագործ եւ 4 ատամնաբույժ մահացել են տիֆից եւ այլ հիվանդություններից: Սա մանրամասն ցուցակ է, որտեղ նշված է նրանց ծննդյան վայրն ու տարեթիվը, հիվանդանոցում գործառույթներն ու պաշտոնը, երբեմն` մահվան հանգամանքները:
Այս արժեքավոր գրքում կա նաեւ ցեղասպանության դահիճների ցուցակը, ովքեր չեն խորշել բարբարոսական էքսպերիմենտներից:
