Նոյեմբերի մեկի դրությամբ 427,9 մլրդ դրամ հարկեր և մաքսատուրքեր են մուտք արվել պետական բյուջե։ Այսօր տեղի ունեցած ասուլիսում այս մասին հայտնեց ՀՀ պետեկամուտների կոմիտեի նախագահի տեղակալ Արմեն Ալավերդյանը։ Ըստ նրա՝ ընդհանուր գումարի 247 մլրդ 161 մլն դրամը հավաքագրվել է հարկերի տեսքով, իսկ ավելի քան 180 մլրդ-ը ձևավորվել է մաքսատուրքերից։ Ա. Ալավերդյանի խոսքով, հարկերի և մաքսատուրքերի հավաքագրումը նախորդ տարվա նույն ժամանակահատվածի համեմատ պակաս է 16 տոկոսով։