ՆախընտրելիԱՄՀ-ի նախկին ղեկավար Դոմինիկ Ստրոս-Կաննը, ով սեռական սկանդալի մասնակից էր դարձել, բելգիական Քորթրեյք քաղաքում օգտվել է մարմնավաճառների ծառայություններից, հոկտեմբերի 22-ին գրում է La Derniere Heure թերթը:
Թերթը մեջբերում է ականատեսների վկայությունները, ովքեր հավաստիացնում են, որ բազմիցս տեսել են ԱՄՀ-ի նախկին ղեկավարին Քորթրեյք քաղաքի հյուրանոցներից մեկի ռեստորանում` հայտնի մարմնավաճառուհու հետ, հաղորդում է ՌԻԱ Նովոստին:
Ստրոս-Կաննը ԱՄՀ-ի ղեկավարի պաշտոնից հեռացվել է աղմկահարույց սեքս-սկանդալից հետո: Նյույորքյան Սոֆիթել հյուրանոցի սպասուհի Նաֆիսաթու Դիալոն նրան մեղադրել էր բռնաբարության փորձի մեջ: Օգոստոսին Ստրոս-Կաննի վրայից հանեցին մեղադրանքը, եւ նա վերադարձավ Ֆրանսիա: Հայրենիքում նույն հանցագործության մեջ նրան մեղադրեց լրագրողուհի Տրիստան Բանոնը: Բայց այս դեպքում էլ ԱՄՀ-ի նախկին տնօրեն Դոմինիկ Ստրոս-Կաննին հաջողվեց խուսափել քրեական պատասխանատվությունից:
