նախընտրելի դարձնել
Գերմանիայի կառավարությունը կոչ է արել բժիշկներին անհապաղ թույլ տալ տեսակցել Նավալնիին, հայտնում է Bild-ը։
Մեկ շաբաթ առաջ Ալեքսեյ Նավալնին անհետացել էր Վլադիմիրի շրջանի ԻԿ-6 քրեակատարողական գաղութից։ Ընդդիմադիրը չի ներկայանում դատական նիստերին, որոնց պետք է մասնակցի վիդեոկապով։ Ինչպես հայտնել է Baza Telegram ալիքը, նրան կարող էին տեղափոխել Մոսկվա՝ նոր քրեական գործով քննչական գործողություններ իրականացնելու համար։
Գերմանիայի կառավարության խոսնակ Շտեֆեն Հեբեստրեյթն ասել է, որ Բեռլինը «խորապես անհանգստացած է» Նավալնիի գտնվելու վայրով և առողջությամբ: Նրա կալանքի պայմանները Գերմանիայի իշխանությունները «անմարդկային» են համարում։ «Մենք կոչ ենք անում Ռուսաստանի իշխանություններին՝ Նավալնիին անհապաղ և համապարփակ բժշկական օգնություն ցուցաբերել», - ասել է Հեբեստրեյթը: Նա նաև կոչ է արել ազատ արձակել Նավալնիին՝ նրա դատավճիռն անվանելով «քաղաքական դրդապատճառներով» մոտիվացված։
