նախընտրելի դարձնելՀՀ ազգային վիճակագրական ծառայության հրապարակած տվյալների համաձայն՝ 2009 թվականի հունվար-սեպտեմբեր ամիսների ընթացքում Հայաստանն արտահանել է 173.3 մլրդ դրամ (480.8 մլն դոլար) ընդհանուր արժողությամբ ապրանքներ, ընդ որում այս ցուցանիշը 2008 թվականի նույն ժամանակահատվածի համեմատությամբ կրճատվել է 41,5%-ով:
Նշենք, որ արտահանման ծավալների անկում գրանցվել է գրեթե բոլոր ապրանքախմբերում: Այսպես, հաշվետու ամիսների ընթացքում, նախորդ տարվա համապատասխան ժամանակահատվածի համեմատությամբ, հանքահումքային արտադրանքի արտահանումը կրճատվել է 36%-ով, թանկարժեք և կիսաթանկարժեք քարերի, թանկարժեք մետաղների և դրանցից պատրաստված իրերի արտահանումը`44,6%-ով, պատրաստի սննդի արտադրանքի արտահանումը` 47,6%-ով: Հաշվետու ժամանակահատվածում արտահանման ծավալների տարեկան աճ՝ շուրջ 29,6%-ով, գրանցվել է միայն կենդանիների և կենդանական ծագման արտադրանքի արտահանման գծով:
