ՆախընտրելիՌուսաստանի հետաքննական կոմիտեն եւ Գլխավոր դատախազությունը ստուգումներ են իրականացնում գլխավոր կազմակերպատեսչական վարչության պետի տեղակալ, գլխավոր դատախազության տեսչական վարչության պետ, գեներալ-լեյտենանտ Գենադի Նիսիֆորովի նկատմամբ:
Ինչպես հայտնում է «Կոմերսանտը», ստուգումների առիթ է դարձել գեներալի քարտուղարուհու դիմումը, որով գեներալը մեղադրվում է սեռական ոտնձգություններ կատարելու մեջ: 35-ամյա քարտուղարուհի Նատալյան (ազգանունը չի հայտնվում) աշխատանքից ազատվելու դիմում է գրել, ինչից հետո դիմել է Ռուսաստանի անվտանգության դաշնային ծառայություն /ԱԴԾ/` հայտնելով, որ ղեկավարն իր հանդեպ ոտնձգություններ է կատարել նվազագույնը երկու անգամ` անցած տարվա ամռանը եւ այս տարվա սեպտեմբերին, գրում է Lenta.ru-ն:
Վերջին անգամ դա իբրեւ թե տեղի է ունեցել գեներալի հանգստի սենյակում, որտեղ քարտուղարուհին նրա խնդրանքով թեյ էր պատրաստում: Գեներալը, նրա խոսքով, կողպել է դուռը եւ ուժ գործադրելով փորձել է ուզածին հասնել: Նատալյային հաջողվել է ճողոպրել միջանցք եւ աղմուկ բարձրացնել, որի արդյունքում հավաքվել են վարչության աշխատակիցները, գրում է РБК-ն:
Նիսիֆորովը ոտնձգությունների հետ կապված այս պատմությունը, ինչպես սպասելի էր, սադրանք է անվանել:
