նախընտրելի դարձնել
ԱՄՆ նախկին նախագահ Դոնալդ Թրամփը երկու անգամ մտավոր կարողությունները ստուգող թեստ է անցել և առաջարկել է, որ նույնն անի նաև գործող նախագահ Ջո Բայդենը։
«Նա պետք է մտավոր կարողությունների թեստ հանձնի: Միգուցե այս կերպ մենք կկարողանանք պարզել, թե ինչու է նա այդքան վատ որոշումներ կայացնում։ Ես երկու թեստ եմ հանձնել և երկուսն էլ հաջող: Բոլոր նախագահները և նրանք, որոնք հավակնում են այդ պաշտոնին, պետք է պարտադիր նման թեստ հանձնեն»,- գրել է նա սոցիալական ցանցի իր էջում:
Բայդենի բժիշկ Քևին Օ’Քոնորի՝ չորեքշաբթի օրը հրապարակված եզրակացության համաձայն՝ Բայդենի առողջական վիճակը լիովին թույլ է տալիս նրան կատարել ԱՄՆ նախագահի պարտականությունները:
