Հայաստանի ոստիկանությունը վեցերորդ ամիսն է,  չի կարողանում պարզել,  թե ով է մեղավոր Երեւանի Նուբարաշեն վարչական շրջանում բնակիչների զանգվածային թունավորման համար:

NEWS.am-ի` հետաքննության ընթացքի մասին հարցին Ոստիկանության մամուլի ծառայությունից հայտնել են, որ «հետաքննությունը շարունակվում է»: Գործով ձերբակալվածներ չկան:

Հիշեցնենք, որ հունիսի սկզբին Նուբարաշենում արձանագրվել էր խմելու ջրից մի քանի տասնյակ բնակիչների թունավորման դեպք: Փաստի առնչությամբ հարուցվել էր քրեական գործ, անցկացվել էին մի շարք փորձաքննություններ:  Ըստ առաջ քաշված վարկածի` թունավորման պատճառը ջրատար խողովակի վնասվածքն էր: Մեղավորները մինչ օրս, սակայն, հայտնի չեն: