ՆախընտրելիԹուրքիայի 16 նահանգներում քուրդ գործիչների դեմ սկսված գործողությունների արդյունքում ձերբակալվել են նաեւ Իմրալը կղզում ցմահ բանտարկված Աբդուլլահ Օջալանի հետ հանդիպած 47 փաստաբանները։
Թուրքական Milliyet-ի փոխանցմամբ՝ «Քուրդիստանի հասարակությունների միության» (KCK) գործի շրջանակներում Ստամբուլի հատուկ իրավասություններով դատախազության որոշմամբ իրականացված գործողությունների ընթացքում ձերբակալված 47 փաստաբաններից 18-ը գրանցված են Ստամբուլի փաստաբանների պալատում։
Նշվում է, որ փաստաբանները ձերբակալվել են՝ Օջալանի հետ հանդիպումներից հետո, նրա հրամանները PKK-ին փոխանցելու համար։
