նախընտրելի դարձնել
Ակադեմիական կամպուսը կսկսի գործել 2030 թվականին, սակայն կգործի փուլային՝ նախ հասանելի կլինեն որոշակի ենթակառուցվածքներ, ապա կավելացվեն նորերը։ Այս մասին հուլիսի 9-ին լրագրողների հետ զրույցում ասաց Հայաստանի կրթության, գիտության, մշակույթի և սպորտի նախարար Ժաննա Անդրեասյանը։
«Միևնույն ժամանակ ես չեմ կարող ասել՝ 2029 թվականին բուհերի տեղափոխում Ակադեմգորոդոկ կլինի՞, թե՞ ոչ»,- հավելել է նա։
Անդրեասյանն ասաց, որ այժմ քննարկվում է, թե որ փուլում ինչ աշխատանքներ պետք է իրականացվեն.
«Առաջին հերթին պետք է ենթակառուցվածքներ ստեղծել։ Խոսքը ճանապարհների, կոմունալ ծառայությունների և այլնի մասին է»,- նշել է նախարարը։
Նա հիշեցրեց երկաթուղային կայարանը շահագործման հանձնելու ծրագրերը.
Նախատեսվում է նաև մարզադաշտ և համերգասրահ կառուցել։
«Կարծում եմ, որ 2025 թվականի փետրվարին մենք կկարողանանք սկսել հասարակական նշանակության առանձին շենքերի նախագծումը, իսկ շինարարական աշխատանքների իրականացման պլանը ճանապարհին ավելի պարզ կդառնա, քանի որ դա կախված է բազմաթիվ գործոններից։ Հետաքրքրություն կա մասնավոր հատվածի կողմից»,- ընդգծեց Անդրեասյանը։
Նա ասաց, որ Ակադեմիական քաղաքում կարող են տեղակայվել մինչև 8 պետական և մինչև 8 միջպետական և մասնավոր բուհեր։
«Ծրագրի իրականացումը կարող է արժենալ մի քանի տրիլիոն դրամ»,- հավելեց նախարարը։
