նախընտրելի դարձնելWikiLeaks -ի հիմնադիր Ջուլիան Ասանժը կարող է խուսափել Շվեդիա արտաքսումից` դիմելով Մեծ Բրիտանիայի Գերագույն դատարան:
Ինչպես հաղորդում է Reuters-ը, Գերագույն դատարանը կքննարկի Ասանժի բողոքարկման դիմումն այն պարագայում, եթե փաստաբաններին հաջողվի ապացուցել նրա գործի կարեւորությունը հասարակության համար:
Բարձրագույն դատական ատյանին Ասանժը կարող է դիմել 14 օրվա ընթացքում, այսինքն` նրա կեցության ժամկետը երկարաձգվել է մինչեւ 2012թ-ը:
Հիշեցնենք, որ Շվեդիայիում Ասանժին մեղադրում են սեռական բնույթի հանցագործությունների մեջ, սակայն նա պնդում է, որ շվեդական իշխանությունները իրեն հանձնելու են ԱՄՆ-ին, որտեղ էլ նրան անհաբեր սպասում են իրավապահները: Ամերիկայն օրենսդրությամբ` լրտեսության մեջ մեղադրվող Ասանժին սպառնում է ցմահ ազատազրկում:
