նախընտրելի դարձնել
Վրաստանի վարչապետ Իրակլի Կոբախիձեի Բուդապեշտում տեղի ունեցած Եվրոպական քաղաքական համայնքի գագաթնաժողովի շրջանակում՝ Մոլդովայի Հանրապետությանը վերաբերող մի շարք հայտարարությունների առնչությամբ Մոլդովայում Վրաստանի դեսպանատան գործերի ժամանակավոր հավատարմատար Դավիթ Բոչորիշվիլին այսօր կանչվել է արտաքին գործերի նախարարության կենտրոնակայան։ Դրա մասին ասված է Մոլդովայի ԱԳՆ հայտարարության մեջ։
«Դեսպանատան գործերի ժամանակավոր հավատարմատարին տեղեկացվել է մոլդովական կողմի խոր դժգոհության մասին՝, որով Վրաստանի վարչապետն իր հրապարակային ելույթում խեղաթյուրված և անհետևողական ձևով անդրադառնում է մեր երկրում Մոլդովայի Հանրապետության եվրաինտեգրման և ընտրական գործընթացին:
Ցանկանում ենք նշել, որ Մոլդովայի Հանրապետության և Վրաստանի միջև համագործակցության և ավանդական բարեկամության հարաբերությունները, ինչպես նաև այն նպատակները, որոնք մեր պետություններից յուրաքանչյուրը հետապնդում է եվրաինտեգրման գործընթացում, պետք է գերակայեն»,-ասված է Մոլդովայի ԱԳՆ հայտարարության մեջ:
Ինչպես հաղորդում է «Интерпрессньюз»-ը՝ նոյեմբերի 7-ին, մեկնաբանելով Վրաստանի խորհրդարանական ընտրությունների ժամանակ տեղի ունեցած խախտումները, վարչապետ Իրակլի Կոբախիձեն հայտարարել է, որ «եթե խնդիրներ էլ են եղել, դրանք եղել են Մոլդովայում»։
