նախընտրելի դարձնել
Սալոմե Զուրաբիշվիլին նախագահական ժամկետի ավարտից հետո հաջորդ տարի կզրկվի պետական պահպանությունից, գրում է վրացական Առաջին ալիքը։
Դա նախատեսված է «Պետական պահպանության հատուկ ծառայության մասին» օրենքում գրասենյակի այսօրվա նիստում նախաձեռնված փոփոխություններով։
Ըստ փոփոխությունների՝ Վրաստանի նախագահը, վարչապետը և խորհրդարանի նախագահն իրենց լիազորությունների դադարեցումից հետո անձնական թիկնազոր չեն ունենա, եթե Սահմանադրական դատարանն, ըստ Սահմանադրության 48-րդ հոդվածի, հաստատի նրանց Սահմանադրության խախտումը կամ նրանց գործողություններում հանցանշանների առկայությունը:
«Վրաստանի վարչապետին, նախագահին և խորհրդարանի նախագահին անձնական անվտանգություն չի տրվի, եթե նրանց լիազորությունների դադարեցումն առնչվում է Սահմանադրության խախտման կամ հանցագործության կատարման հետ։ Սահմանադրության խախտման դեպքում լիազորությունները դադարեցնելու համար, բացի Սահմանադրական դատարանի որոշումից, անհրաժեշտ է նաև համապատասխան որոշում ընդունել խորհրդարանի լիագումար նիստում՝ քվորումի պահպանմամբ։
Քվորումի բացակայության դեպքում կարող է ստեղծվել իրավիճակ, երբ համապատասխան պաշտոնյան մի կողմից խախտել է Սահմանադրությունը, ինչը հաստատվում է Սահմանադրական դատարանի որոշմամբ, մյուս կողմից՝ քաղաքական որոշման և քվորումի բացակայության պատճառով, նրա լիազորությունները չեն կարող դադարեցվել։ Ըստ այդմ, պաշտոնավարման ժամկետը լրանալուց հետո նման անձը կշարունակի օգտվել պետական պաշտպանությունից՝ չնայած այն հանգամանքին, որ նրա կողմից Սահմանադրության խախտում է հայտնաբերվել։
Օրինագծի պարզաբանման մեջ նշվում է, որ նշված խնդիրը լուծելու և անձնական անվտանգության ռեսուրսներն առավել արդյունավետ օգտագործելու, ինչպես նաև Սահմանադրությունը խախտած անձի պաշտպանության հատուկ իրավունքը պետությունը պարտավորված չլինելու համար անհրաժեշտ է համապատասխան փոփոխություններ կատարել։ Այդ փոփոխությունները կբարելավեն կարգուկանոնը և կվերացնեն Սահմանադրությունը խախտած անձանց պետական պաշտպանության պահպանման հնարավորությունը:
