ՆախընտրելիԻր պահվածքով հանրությանը ոչ մեկ անգամ ցնցած սկանդալային երգչուհի Լեդի Գագան հիմա մտադիր է հոգեւորական աստիճան ընդունել` լեսբիական զույգին ամուսնական օրինական կապով միավորելու համար: Իսկ հոգեւորականի փարաջան նրա համար պատրաստելու է ոչ այլ ոք, քան Ժան Պոլ Գոթիեն:
Խնդիրն այն է, որ առաջիկայում կկայանա երգչուհու լավագույն ընկերուհու` յոգայի հրահանգիչ Տրիշի Դոնեգանի հարսանիքը, որը պատարստվում է ամուսնանալ իր սիրած... կնոջ հետ: Ավելին, նույնասեռական զույգը պատրաստվում է ոչ միայն գրանցել ամուսնությունը, այլեւ պսակադրվել եկեղեցում:
Պսակադրության արարողությունը կկայանա Նյու Յորքում եւ այն կանցկացնի անձամբ Լեդի Գագան, ով արդեն պատրաստվում է ձեռնադրություն ստանալ, ինչը նրան թույլ կտա նման արարողություն իրականացնել:
«Սկանդալային դիզայներ, սկանդալային երգչուհի, սկանդալային արարողություն` սկանդալային փառքի հաջողության երեք բաղկացուցիչները: Օ ժամանակներ, օ բարքեր...»,-գրում է Tata.ru-ն:
