Նորվեգիայում պեղված վիկինգների երեք գերեզմաններում հեռավոր երկրներից կանացի սեռական օրգանների պատկերով մետաղադրամներ և փորագրված խորհրդանշական քար է հայտնաբերվել։

Գերեզմանները, որոնք բոլորը, ըստ ամենայնի, պատկանել են կանանց, մետաղորսիչներով հայտնաբերվել են Նորվեգիայի արևմտյան ափին:

Դրանք թվագրվում են մ.թ. 800-ական թվականների սկզբին՝ վիկինգների դարաշրջանին (մ.թ. 793-1066 թվականներ), Sciencenorway.no-ին պատմել է Բերգենի համալսարանական թանգարանի գլխավոր հնագետ Սորեն Դինհոֆը:

Մետաղորսիչներով հետազոտումը ցույց է տալիս, որ 20 գերեզմաններից միայն երեքը գտնվում են Ֆիտյարի մունիցիպալիտետի Սկումսնես կոչվող վայրում:

Թեև ոսկորները վաղուց քայքայվել են, սակայն նրանց գերեզմանները՝ մետաղազարդեր, ապակե ուլունքներ, մետաղադրամներ և նավակի տեսքով դրված քարեր, պահպանվել են: Զարդերի և մետաղադրամների մի մասը ծագում են Իռլանդիայից, Անգլիայից և Ֆրանկական կայսրությունից, որոնք այդ ժամանակ գրավում էին Արևմտյան Եվրոպայի մեծ մասը: Ամենաուշագրավը հարավային Դանիայի հազվագյուտ մետաղադրամն է, որի մի կողմում պատկերված է վիկինգ նավակ, իսկ հակառակ կողմից՝ եղնիկ:

Գտածոն վկայում է այն ժամանակվա վիկինգների հասարակության մեջ տեղի ունեցած միջքաղաքային առևտրի և մեծ տարածության վրա արտագաղթի մասին:

Հետազոտողների կարծիքով՝ Սկումսնեսն այդ ժամանակ ագարակ էր, որը հավանաբար պատկանում էր տեղի թագավորին։ Այն գտնվում էր ափին մոտ և կարող էր ճանապարհորդների համար որպես ճանապարհային կետ ծառայել ։

Կանանցից մեկին թաղել են 4 մետր երկարությամբ նավակի տեսքով քարերով գերեզմանում։ Գերեզմանում հնագետները հայտնաբերել են նաև ամոթույքի պատկերով քար, որը, հավանաբար, խորհրդանշել է գերեզմանում թաղված կնոջը։ Միգուցե կնոջն ընդհանրապես այնտեղ չեն թաղել, իսկ գերեզմանը եղել է կենոտաֆ ( հուշադամբարան), կամ առանց դիակի հուշահամալիր, նշել է գիտնականը։

Գերեզմանում հայտնաբերել են նաև բուրդ կտրող մկրատ, հեթչել (մանրաթելեր պատրաստել համար կիրառվող մանելու և հյուսելու սանդերք), լիսեռ և ջուլհակի սուր, տեքստիլ պատրաստելու համար օգտագործվում բոլոր իրերը, ինչպես նաև բրոնզե բանալի: Դա վկայում է նրա մասին, որ կինը, որին նվիրված էր այս գերեզմանը, բարձր կարգավիճակ ուներ. տեքստիլագործությունը հեղինակավոր զբաղմունք էր, իսկ դատելով բանալիից՝ նա եղել է ընտանիքի գլուխը։