Դանիացի պաշտոնյաները կղզու բնակիչներին իր երկրի մաս դառնալու ԱՄՆ նախագահի ուղիղ կոչը, դրական են որակել, համենայն դեպս ինչ-որ առումով, գրում է Euronews-ը:

Ըստ Դանիայի պաշտպանության նախարար Լունդ Պոուլսենի՝ Գրենլանդիայի վերաբերյալ ԱՄՆ նախագահ Դոնալդ Թրամփի վերջին մեկնաբանությունները «դրական իրադարձություն» է, որը գրենլանդացիների ինքնորոշման նկատմամբ հարգանքի վկայություն է արտացոլում։

Պոուլսենը չորեքշաբթի պատասխանել է կղզու բնակիչների՝ խորհրդարանական ընտրությունների քվեարկության գնալուց մեկ շաբաթ առաջ ԱՄՆ Կոնգրեսում իր ելույթի ժամանակ գրենլանդացիներին հասցեագրված Թրամփի ուղղակի կոչին:

«Մենք վճռականորեն աջակցում ենք ձեր ապագան ինքնուրույն որոշելու ձեր իրավունքին, և եթե դուք որոշեք դա անել, Ամերիկայի Միացյալ Նահանգներում ողջունում ենք ձեզ», - ավելի վաղ հայտարարել է Թրամփը:

Դանիացի նախարարը հավելել է, որ գրենլանդացիներն իրենք պետք է որոշեն իրենց կղզու ապագան, հավանաբար, անկախության հանրաքվեի միջոցով։

Նրա տեսակետն աջակցել է արտգործնախարար Լարս Լոքե Ռասմուսենը, որն ասաց, թե դա Թրամփի խոսքերի «ամենակարևոր» մասն է:

Ռասմուսենն ասել է, որ Գրենլանդիան, հավանաբար, ցանկանում է թուլացնել կղզին մասամբ վերահսկող Դանիայի հետ կապերը: Նա հավելել է, սակայն, որ վստահ չէ, թե արդյոք կղզու բնակիչները կցանկանան դառնալ Միացյալ Նահանգների մի մասը:

Իր ելույթի ընթացքում Թրամփը նաև մի քանի հայտարարություն  է արել կղզու ինքնիշխանության մասին, միաժամանակ հայտարարելով, որ իր վարչակազմը «աշխատում է բոլորի հետ՝ փորձելով դա անել», ինչը զայրույթ է առաջացրել Գրենլանդիայի քաղաքական գործիչների շրջանում:

Թրամփը հայտարարել է, որ ԱՄՆ-ն «այսպես թե այնպես կընդունի դա», մի առաջարկ, որը Գրենլանդիայի վարչապետ Մութ Բ Էգեդեն անմիջապես մերժել է: «Մենք ոչ ամերիկացի ենք, ոչ՝ դանիացի, քանի որ մենք գրենլանդացիներ ենք,- գրել է Էգեդեն ֆեյսբուքյան գրառման մեջ։ -Երկրի ապագան, իհարկե, մենք ինքներս ենք որոշելու՝ մեր երկրում»։