Իրանցի բարձրաստիճան զինվորական պաշտոնյան հստակեցրել է, որ Իրանը կշարունակի հարձակումներն Իսրայելի վրա շատ ավելի կործանարար մասշտաբով, քանի դեռ Իսրայելը չի զղջացել, հայտնում է Mehr-ը։

Գեներալ-մայոր Ալի Շադմանին՝ «Խաթամ ալ-Անբիա» կենտրոնական շտաբի հրամանատարը, կիրակի առավոտյան հայտարարությամբ է հանդես եկել՝ Իրանի զինված ուժերի կողմից Իսրայելի տարածքին հասցված կործանարար պատասխան հարվածից մեկ օր անց։

Ըստ Շադմանիի, «ի շարունակություն իսլամական Իրանի հզոր և պատրաստված զինված ուժերի փառավոր գործողությունների՝ այս գործողությունների շարքը կշարունակվի նախկինից շատ ավելի լայն և կործանարար մասշտաբով, քանի դեռ հանցագործ և ագրեսիվ սիոնիստական թշնամին լիովին չի զղջացել»։