Ռուսաստանի նախագահ Վլադիմիր Պուտինը Աշխատանքի հերոսների և Պետական մրցանակի դափնեկիրների հետ հանդիպմանը ներկայացրել է առողջությանը վերաբերող իր մոտեցման մանրամասները, հաղորդում է «Коммерсантъ»-ը։

Ինչպես երևում է ոչ պաշտոնական զրույցի հրապարակված կադրերից, պետության ղեկավարն ամեն տարի համալիր հետազոտություն է անցնում։

Հանդիպման մասնակիցներից մեկն առողջությունը համեմատել է մեքենայի տեխզննման հետ՝ ընդգծելով, որ նույնիսկ լավագույն մեքենան կանոնավոր զննման կարիք ունի։ Դրան Պուտինը պատասխանել է. «Կանոնավոր տեխզննում եմ անցնում։ Ամեն տարի համալիր բժշկական զննում։ Ամբողջ երկու օր եմ նվիրում դրան»։

Նա նաև պատմել է, որ մի քանի տարի առաջ բախվել է տեսողության վատթարացման, սակայն գիտակցաբար հրաժարվել է ակնոց կրելուց։ «Դրեցի դա, գլուխս պտտվեց, և հասկացա, որ եթե հիմա չհանեմ, ապա կկրեմ ողջ կյանքիս ընթացքում... Սա արդյունք է տալիս։ Ազատ կարդում եմ՝ առանց որևէ խնդրի»,- ասել է ՌԴ նախագահը։

Մրցանակաբաշխության արարողությունը տեղի է ունեցել հունիսի 12-ին՝ Ռուսաստանի օրը։