ՀՀ ներկա իշխանությունները Հայաստանը ներսից զավթած թիմ են եւ իրականացնում են փորձառու կենտրոնների պատրաստած ծրագրեր։ Այս մասին հայտնել է  Հայաստանի առաջին օմբուդսմեն Լարիսա Ալավերդյանը Երեւանում տեղի ունեցող պետություն-եկեղեցի հարաբերությունների խնդիրների քննարկման ժամանակ։

Նա հիշեցրել է, որ երկրի գրավմանը նախորդել է որոշակի «դեղին թերթի» (նկատի ունենալով վարչապետին եւ նրա կնոջը պատկանող «Հայկական ժամանակ» թերթը) երկարամյա քարոզչական գործունեությունը, որը տարածել է այնպիսի բաներ Հայաստանի մասին, որոնք նույնիսկ ադրբեջանական մամուլում չեք գտնի։

«Ես գիտեմ ադրբեջաներեն եւ հետեւել եմ կայքերին։ Այսինքն՝ թիմը անթերի կատարում է իր «գործը՝ ոչնչացնել պետությունը եւ ոչնչացնել հայերին»,- նշել է Լարիսա Ալավերդյանը։

Նրա խոսքով՝ թիմը սպասարկում եւ հաճախ նախաձեռնում է քայլեր, որոնք համապատասխանում են Թուրքիայի եւ Ադրբեջանի ցեղասպանական քաղաքականությանը։ «Ցեղասպանությունը նաեւ ազգի ինքնության ոչնչացում է։ Իրականացվում է հայերի ոչնչացման ծրագիր»,- եզրափակել է նախկին օմբուդսմենը։