Քրեական ոստիկանության գլխավոր վարչությունում ստացած օպերատիվ տվյալներն իրացվեցին Արարատի մարզային վարչության ծառայողների հետ:

ՀՀ ՆԳՆ ոստիկանությունից NEWS.am–ին հայտնում են, որ հունիսի 13-ին ժամը 12.45-ին, Երևանի Ծովակալ Իսակովի պողոտայում հայտնաբերվեց և վարչություն տեղափոխվեց Արարատի մարզի Վարդաշեն գյուղի բնակիչ 36-ամյա տղամարդը:

Անցած տարվա հոկտեմբերից Արտաշատի բաժնի կողմից նա հետախուզվում էր բնակարանային գողության մեղադրանքով։

Տղամարդը ներկայացվել է Պրոբացիայի ծառայության Արարատի մարզային մարմին։