Հունիսի 20-ին Ռուսաստանի պաշտպանության նախարարությունը հայտնել է Ուկրաինայի հետ ռազմագերիների փոխանակման նոր փուլի մասին։

«Հունիսի 2-ին Ստամբուլում ձեռք բերված ռուս-ուկրաինական համաձայնագրերի համաձայն՝ Կիևի ռեժիմի կողմից վերահսկվող տարածքից վերադարձվել է ռուս զինծառայողների մի խումբ։ Դրա դիմաց Ուկրաինայի զինված ուժերի ռազմագերիների մի խումբ է տեղափոխվել», - հայտնել է նախարարությունը։

Ուկրաինայի նախագահ Վլադիմիր Զելենսկին հաստատել է փոխանակման փաստը։ Նրա խոսքով՝ Կիև տեղափոխված զինվորները գերության մեջ են գտնվել ավելի քան երկու տարի։ «Նրանք Մարիուպոլի, Դոնեցկի, Լուգանսկի, Զապորոժյեի, Խերսոնի, Խարկովի և Չեռնիգովի պաշտպաններն են։ Զինված ուժերի, Ազգային գվարդիայի, Սահմանապահ ծառայության զինվորներ», - ասել է Զելենսկին։

Կողմերը չեն նշել, թե քանի մարդ է Մոսկվան ընդունել և քանիսն են վերադարձվել Կիև։

Գերիների փոխանակումը հավասարաչափ է եղել,РБК-ին հայտնել է ռուս բանակցողների շարքում գտնվող աղբյուրը։ Նրա խոսքով՝ «վիրավորների բժշկական փոխանակումները» շարունակվել են նաև հունիսի 20-ին։