նախընտրելի դարձնելՀայաստանի Արտակարգ իրավիճակների նախարարության փողային նվագախումբն այսօր` դեկտեմբերի 13-ին, հերթական բարեգործական համերգն էր կազմակերպել այս անգամ մայրաքաղաքի Նորքի տուն-ինտերնատում:
ԱԻՆ մամուլի ծառայությունից NEWS.am-ին հայտնում են, որ նվագախմբի պետի տեղակալ Համլետ Ադամյանը ՀՀ Արտակարգ իրավիճակների նախարարության եւ նախարար Արմեն Երիցյանի կողմից ամանորյա ջերմ շնորհավորանքներ է փոխանցել տուն-ինտերնատի տարեց բնակիչներին` նրանց մաղթելով առողջություն եւ ամենայն բարիք:
Նվագախմբի համերգային ծրագիրը բաղկացած էր հիմնականում ազգային հայրենասիրական ու ժողովրդական երգերից:
Միջոցառման ավարտին Նորքի տուն-ինտերնատի տնօրենը շնորհակալություն է հայտնել ԱԻՆ-ին ու նախարարին` Ամանորի եւ Սուրբ ծննդյան տոների կապակցությամբ նման գեղեցիկ նվեր մատուցելու համար:
Հիշեցնենք, որ Ամանորից առաջ ԱԻՆ փողային նվագախումբը բարեգործական համերգներով հանդես էր եկել նաեւ Խարբերդի եւ Երեւանի Մարի Իզմիլյանի անվան մանկատներում:
