Իսպանիայի Կատալոնիա շրջանում ջրհեղեղի վտանգի մասին նախազգուշացում է հայտարարվել, և այդ շրջանների բնակիչները բջջային հեռախոսներով վտանգի մասին ծանուցումներ են ստացել, հայտնում է El Pais-ը։ 

Աղետի հիմնական հարվածը, որից հետո հնարավոր են ճանապարհների ողողումներ, սպասվում է շաբաթ օրվա երկրորդ կեսին։ Որոշ շրջաններում հայտարարվել է վտանգի ամենաբարձր՝ «կարմիր» մակարդակ։ 

Սպասվող անբարենպաստ եղանակի պատճառով Բարսելոնայից և Վալենսիայից որոշ ուղղություններով անորոշ ժամանակով նախապես չեղարկվել է գնացքների երթևեկությունը։ 

«Европейская правда»-ի հաղորդմամբ, Մոնկայոյի շրջանում և Էբրո գետի երկայնքով գտնվող բնակավայրերում դեռ ուրբաթ օրը խիստ հորդառատ անձրև է տեղացել, որն առաջացրել է տեղային հեղեղումներ։