նախընտրելի դարձնել
Brent տեսակի նավթի նոյեմբերյան ֆյուչերսների գինը 2025 թվականի օգոստոսի 25-ից ի վեր առաջին անգամ մեկ բարելի համար գերազանցել է 69 դոլարը։ Մոսկվայի ժամանակով ժամը 12:20-ի դրությամբ, Լոնդոնի ICE բորսայում Brent տեսակի նավթի գինը բարձրացել է 1.4%-ով՝ մեկ բարելի համար հասնելով 69.15 դոլարի։ WTI նավթի հոկտեմբերյան ֆյուչերսների գինը բարձրացել է 1.6%-ով՝ մեկ բարելի համար հասնելով 65.7 դոլարի, գրում է «Կոմերսանտը»։
Օգոստոսին նավթի գները սկսել են անկում ապրել՝ OPEC+-ի ութ երկրների կողմից նավթի համակցված արտադրությունը մեծացնելու որոշման ֆոնին։ Նրանք որոշել են սեպտեմբերին այն ավելացնել օրական 547 հազար բարելով (բարել)՝ օգոստոսի պահանջվող մակարդակից։ Ռուսաստանի ընթացիկ ամսվա քվոտան օգոստոսի 9.34 միլիոն բարելի փոխարեն ավելացել է օրական մինչև 9.44 միլիոն բարել։
Վերլուծաբանները սեպտեմբերը համարում են հումքի արտադրության ավելացման վերջին հարմարավետ ամիսը, քանի որ աշնանը կարող է լինել սպառման անկում և շուկայում նավթի գերառատություն։
