ՆախընտրելիՌուսաստանից հանրապետություն ներկրված բնական գազի ծավալները 2011թ. ընթացքում ավելացել են 11,73 տոկոսով՝ կազմելով 1.6 մլրդ խմ՝ 2010թ.-ի 1.44 մլրդ-ի դիմաց: Այդ մասին NEWS.am-ին տեղեկացնում են «Հայռուսգազարդ» ընկերությունից:
Նշված ժամանակահատվածում «Հայռուսգազարդ» ՓԲԸ կողմից իրացվել է 1.53 մլրդ խ.մ, ինչը 12,72%- ով ավելի է 2010թ.-ի համեմատ:
Նախորդ տարվա համեմատ ավելացել է բնական գազի սպառումը բնակչության կողմից՝ կազմելով 550.748 մլն խմ, ինչը 16,95%- ով ավելի է նախորդ տարվա ցուցանիշից: 29,08%- ով ավելացել է էներգետիկայի ոլորտի եւ 18,01%-ով` այլ սպառողների կողմից գազի սպառման ծավալները՝ կազմելով համապատասխան 187.533 մլն եւ 184.621 մլն խ.մ: 13,85%-ով ավելացել են ԱԳԼՃԿ-ների կողմից իրացված բնական գազի ծավալները՝ կազմելով 362.364 մլն խ.մ:
Նշված ժամանակահատվածում 7,81%- ով նվազել են արդյունաբերության ոլորտի սպառման ծավալները՝ կազմելով 249.675 մլն խ.մ՝ 2010թ.-ի 270.835 մլն-ի դիմաց:
