նախընտրելի դարձնելՀամացանցում ուղենիշ է հայտնվել այն ռուս լրագրողների համար, ովքեր փետրվարի 4-ին լուսաբանելու են Պոկլոննայա լեռան մոտ կայանալիք Պուտինի հանրահավաքը: Նշենք, որ նույն օրը ընդդիմության երթն է լինելու:
Մերձմոսկովյան տպագրության նախարարության ուղարկած փաստաթղթում, մասնավորապես, ավում է, որ լրագրողը պետք է «արտացոլի հանրահավաքի ընդհանուր դրական մթնոլորտը (մարդկանց երջանիկ դեմքերը, մայրիկներին եւ երեխաներին, թոշակառուներին, միջին տարիքի անձանց)»:
Թղթակիցը նաեւ պետք է անպայման նշի, որ քաղաքացիներն ինքնակամ են եկել հանրահավաքին` համապատասխան պաստառներով զինված:
Ուղեցույցում խորհուրդ է տրվում «չցուցադրել եւ չհիշատակել «Եդինայա Ռոսիան» եւ նրա խորհրդանիշները», տեղի կառավարական շենքերը` դրոշներով հանդերձ, ինչպես նաեւ կուսակցությունը ներկայացնող պաշտոնյաներին եւ պատգամավորներին:
«Կոմերսանտ» թերթը նշում է, որ երաշխավորական նամակը ստորագրված չի եղել, սակայն փաստաթղթում Microsoft Word ծրագրի առանձնահատկություններում կարելի է տեսնել, որ նշումն ստեղծված է Մինաեւ ազգանունով աշխատակցի համակարգչի minpech (հավանաբար, դա տպագրության նախարարությունն է) խորագրով բաժնի ներքո: Հրատարակչությունը պարզել է, որ մերձմոսկովյան տպագրության նախարարության փաստացի գրանցված կադրային աշխատողներից է տեղեկատվական բաժնի պետի տեղակալ Մարինա Մինաեւան: Նախարարությունում մեկնաբանություններից հրաժարվել են:
Նոր տեղեկություններ են պարզվել նաեւ մոսկովյան դպրոցներում եւ պետհաստատություններում Պոկլոննայա լեռան վրա տեղի ունեցած ցույցի մասնակից «կամավորների» ստիպողաբար հավաքման մասին:
«Անձրեւ» հեռուստաալիքի տվյալներով` իշխանությունները նվազեցրել են հանրահավաքին մասնակից պետական միասնական ձեռնարկությունների եւ դպրոցների աշխատողների ընդհանուր թվի 5%-ը: Այդ նույն ժամանակ եւ վարչապետի գրասենյակում, եւ մայրաքաղաքի քաղաքապետարանում վստահեցրել են, որ իրենք ոչ մի կապ չունեն նման փոփոխությունների հետ եւ Պուտինին աջակցելու նպատակով հանրահավաք կազմակերպելով չեն զբաղվում:
Պուտինին աջակցող հանրահավաքին շարունակում են ներգրավել կամավորների, որոնք ցանկանում են այդպիսով գումար վաստակել: Այսպես, massovki.ru կայքում հանրահավաքին մասնակցելու համար առաջարկում են 800-ից մինչեւ 1000 ռուբլի, գրում է NEWSru.com-ը:
