ՆախընտրելիՔիմ Քարդաշյանի եւ բասկետբոլիստ Քրիս Համֆրիսի ամուսնալուծության գործը կարծես թե եւս մեկ ռեալիթի շոուի է վերածվում: Ինչպես հաղորդում է TMZ կայքը, Համֆրիսի փաստաբանները որոշել են տեսախցիկներ տեղադրել դատարանի դահլիճում, որտեղ պետք է լսվի ամուսնալուծության գործը:
Այսպիսով, Քրիսը փորձում է բոլորին ապացուցել, որ Քիմն իր հետ ամուսնացել է իր շոուի վարկանիշը բարձրացնելու համար:
Զույգը պատրաստվում է դատարանի դահլիճից հեռարձակում իրականացնելու թույլտվություն ստանալ` սեփական դիրքորոշման ճշմարտացիությունն ապացուցելու համար:
Հիշեցնենք, որ ռեալիթի շոուի 31-ամյա աստղն ամուսնալուծության համար դիմել էր ամուսնությունից ընդամենը 72 օր հետո` պատճառաբանելով «անհաղթահարելի տարաձայնությունները»:
