ՆախընտրելիԸնթացիկ տարվա հունվարին Հայաստանում գազից թունավորվելու 50 դեպք է արձանագրվել:
Ինչպես NEWS.am-ի թղթակցին հայտնել են Հայաստանի ԱԻՆ մամուլի ծառայությունից, ածխածնային գազից թունավորման 45 դեպք է գրանցվել (տուժել է 52 մարդ) եւ կենցաղային գազից թունավորման 5 դեպք (տուժել է 5 մարդ): Նախորդ տարվա նույն ժամանակահատվածում գրանցվել էր թունավորման 31 դեպք, որից 28-ը` ածխածնային գազից թունավորում (1 մարդ զոհվել, 33-ը տուժել են) եւ 3-ը` կենցաղային գազից թունավորում (տուժել է 5 մարդ):
Բացի այդ, 2012թ. հունվարին ԱԻՆ-ում գազի երեք պայթյուն է արձանագրվել (տուժել է 4 մարդ): Նախորդ տարվա նույն ժամանակահատվածում գրանցվել է 1 պայթյուն, տուժել է 1 մարդ:
Հունվարին նաեւ 2 հրդեհ է գրանցվել, որոնց պատճառը գազն է եղել: Զոհեր եւ վիրավորներ չեն եղել: Նախորդ տարվա հունվարին նմանատիպ մեկ հրդեհ էր գրանցվել:
